وسوم الشوق

[شيخة الزين]

وسوم الشوق


مشتاق لك وادري بك الحين نايم
لكن بلاي الشوق بالقلب صاحي

يكفي طوال الليل والسمع صايم
صحصح ابي صوتك بأول صباحي

الشوق ما يرحم ولاني بلايم
سوى نظام النوم زوّد جراحي

متلخبطٍ ما بين انا الحين قايم
والآخر يصادف لنومه مراحي

ولا الغلا فوق الغلا فيه هايم
وهو بعد مثلي وكنه جناحي

معااه أصبح طير بالجو حايم
يلعب على ريشه هبوب الرياحي

ومعاه اشوف الكون مغري وغايم
حتى على وجهي يبين إنشراحي

وبلاه مالي بالسما من غنايم
ما دام جُرِّد من يديني سلاحي

وبلاه انا واسباب حزني لزايم
تْغيب ضحكاتي و يندر مزاحي

شفني إلى من غاب او كان نايم
تلقى وسوم الشوق تظهر كفاحي

لـ الشاعر / ماجد الحجري

http://data.whicdn.com/images/34192787/tumblr_m7v5bnFtsE1ra5t9jo1_500_large.gif

[غصة حنين]

قصيده جميله وأبيات شعريه رائعه
سلمت يمينك
ما ننحرم من جديدك

[شيخة الزين]

غصة
يتراقص مُتَصَفِحِي فرحا بَمَرُوَرَكُ.. الشَجِيْ..
وَأَحْرُفُك.. كَالْنَّدَى بَيْن أَوْرَاقِي..
شُكراً لتَوَاجُدِكُ.. الَرَاقِي .
شيخة الزين

[ملكة الحنان]

ربي يسلمك ايديك على روعة طرحك المميز
الله مايحرمنا منك في انتظار جديد مواضيعك
ربي يسعدك ويعافيك

[شيخة الزين]

ملكة
يتراقص مُتَصَفِحِي فرحا بَمَرُوَرَكُ.. الشَجِيْ..
وَأَحْرُفُك.. كَالْنَّدَى بَيْن أَوْرَاقِي..
شُكراً لتَوَاجُدِكُ.. الَرَاقِي .
شيخة الزين