اما تخاويني على الشر والخير

[شيخة الزين]

https://upload.3dlat.com/uploads/3dlat.com_13898857181.gif

اما تخاويني على الشر والخير
لاتعتذر مال الهجر منك تبرير
صدك بليا ذنب والله ظليمه

ماصارلي بعدك يفوق اي تصوير
تجددت كل الجروح القديمه

بعدك لعبي هاجسي والتفاكير
وقلب (ن)جريح وروح صب(ن)مهيمه

ماغير اسلي خاطري بالمشاوير
اروح وارجع والهواجس مقيمه

ياحبي اللي بين بيض الغنادير
لك في عروش القلب قدر وقيمه

ان كان صدك ماخذك عني لغير
روّح ولو ان الخساير وخيمه

وان كانها عني خذتك المقادير
فالعفو عند المقدره فيه شيمه

يامرحبا والحب كله معاذير
تشفع لك ايام الغرام القديمه

يوم الهوى لازارني منك أعصير
أضم في صدري من اجلك نسيمه

واليوم اصبر خاطر الوجد تصبير
واقول صدك عقب وصلك جريمه

ولاجاك مني ياهوى البال تقصير
مواقفي وياك والله عظيمه

صخرت لك مشاعر الشوق تصخير
وامطرتك بحبن تقفاه ديمه

وظللتك بجفني وصارت مسافير
يوم الغلا بين النديم ونديمه

واليوم ماتنفع كثير المحاذير
تفاغمت بين النفوس الحشيمه

عسى سنينك روض عشب ونواوير
محد لنفسه يرتضي بالهزيمه

اما تخاويني على الشر والخير
والا السلامه منك راس الغنيمه



https://upload.3dlat.com/uploads/3dlat.com_13898857181.gif
















[/ALIGN]

[عاشق العميد]

اما تخاويني على الشر والخير
والا السلامه منك راس الغنيمه

ان شاء الله على الشر والخير
طرح مميز وسطور تعانق مشاعرنا بكل ما هو جميل
اشكرك غلاتي من عميق القلب

[غصة حنين]

قصيده جميله وأبيات شعريه رائعه
سلمت يمينك
ما ننحرم من جديدك

[شيخة الزين]

عاشق
يتراقص مُتَصَفِحِي فرحا بَمَرُوَرَكُ.. الشَجِيْ..
وَأَحْرُفُك.. كَالْنَّدَى بَيْن أَوْرَاقِي..
شُكراً لتَوَاجُدِكُ.. الَرَاقِي .
شيخة الزين

[شيخة الزين]

غصة
يتراقص مُتَصَفِحِي فرحا بَمَرُوَرَكُ.. الشَجِيْ..
وَأَحْرُفُك.. كَالْنَّدَى بَيْن أَوْرَاقِي..
شُكراً لتَوَاجُدِكُ.. الَرَاقِي .
شيخة الزين