أكبر خطا

يا ( قلب) يكفي ما جرى لك ويكفيك..
أنك تموت من القهر الف مره ..
..... بالله قلّ لي ويش تالي مساعيكَ؟!
ياللي تناظر في نجوم المجره ..؟؟!
..... حلمٍ حلمته ما يحقق أمانيكَ..
وليلٍ سهرته ما ينسيك مرّه ..
.... أن كنت نآسي ما جرى لك بماضيك..
بذكّرك في الوقت خيره وشره ..
.... عطيت من دمّك وخابت هقاويك..
وراحت سنينك بالشقى والمضره ..
كم (جرح) ينزف بك ؟ , وكنّه ولا فيك..
من خوف عذالك بصدرك (تصره) ..
..... وكم (جرح) لو تخفيه بانت مواريك..
له في ملامح وجهك السمح جره ..
.... وش فايدة صبرك وسهرك لياليك؟؟!
وغيرك (بدون أحساس), مافيه ذره !!..
..... أكبر خطا تبكي على أنسان نآسَيك..
ويضيق صدرك فيك , وتموت حره ..
..... اللى نسآك أنساه لو كان يطريك..
واللي يبرك في مواصلك بره ..
..... وأكبر جريمة من توده ويجفيكَ..
أنك تصونه عقب ما باح سره ..
.... قول (الوداع) وما جرى لك يكفّيك..
ودربٍ يمرّه لا تحاول تمره ..
..... يا (قلب) يكفي ما جرى لك ويكفيكَ .
أنك تموت من القهر ألف مره

الموضوع الأصلي: أكبر خطا || الكاتب: ملكة الحنان || المصدر: منتديات عزف الحروف

www.3-zf.com

كلمات البحث

اسلاميات ، مواضيع عامة ، سيارات ، صحة ، تصميم

المصدر: ♪。♡ مملكة عزف الحروف。♡ ♪

---

H;fv o'h