أنـا الّـذي فـي ضـيـقـهـم مـا تخلّيت

أنـا الّـذي فـي ضـيـقـهـم مـا تخلّيت

أنـا الّـذي فـي ضـيـقـهـم مـا تخلّيت



أكـرهـنـي لـنّـي فـي حـيـاتـي تماديت
بـالـطـيـب والـتـقـديـر مـحّـد رحـمني

أهـمـلـت نفـسي لـجل غيري ووفّـيت
هـذا جــحــد طــيــبـي وهـذا خـذلـنـي

ظـنّـيـتـهـم يــامـا .. ويـامـا تـمـنّـيـت
اشـوفـهـم يــمّـي وظــنّــي صــدمـنـي

وأنـا الّـذي فـي ضـيـقـهـم مـا تخلّيت
عـنّـي تـخـلّـوا يـوم ضـيـقـي حضّـني

إن غـابوا أفـقـدهـم لـقـاء مـا تهنّـيت
وإن غـبـت مـا غـيـر الـغياب أفتقدني

أسـوق رجـلـي للـوصـل وإن تـعـنّيت
أرحـمـهـم الّـي فـي وصـاله هـجـرني

اعـيـوبـهـم واجـد وعـنـهـا تـغـاضيت
عـن عـيـبـهـم سـود الـحقايق عمتني

يبغوني أخطي في كلامي ولا أخطيت
الصـمـت مـن طـبـعـي وطبعي غلبني

يا لـيتها تـاقـف عـلى الـنـاس يـالـيت
الـحــظ ضـدّي لـيـت حـظّـي خـدمـنـي

طـقّـيـتـهــا مــن كـلّ صـوب وتـأذّيـت
عـوج الـنـتـايـج .. بــالـردا عوّرتـني

حاولـت أغيّر مـسـلـكـي وأسـتـمرّيـت
الـين صـادفـت الـفـرح .. مـنـتـظرني

أيـقـنـت بــنّــي لـلــمـــآســي تـعـدّيـت
والّـي أكـتـشـفـتـه طـيف مر وخدعني

كـمّـلـت دربـي جـانـب الـحـلـم مرّيـت
شـفـتـه يــطــالــعـنـي وكـنّـه سـألـنـي

وين أنـت رايح يالشقي ما تقهويت ؟
سـكّـتْ لـحـظـه لـيـن صـمـتـي نطقني

أعذرني يـا حـلـمـي إذا عـنْـك قـفّـيـت
وشلون أجي صوبك وياسي كسرني!

من واقـع إحـبـاط الأمـانـي أسـتمدّيـت
أن الأمـانـي مـا اذكـرتـني .. نسـتـني

عـايـش كــذا لانـي بــحـيّ ٍ ولا مـيْـت
أشـهـق هـمـومـي وأزفـر الحزْن منّي

تعـبت أدوّر نـظـرة أنصاف .. عانيت
والـعـدل نـفـسـه فـي زمـاني ظلمني !

يــا حـلم غــنّــيـتـك لـيـالـي وغــنّــيـت
تـحـقـيـقــك الّـي صـعـب جـدّاً يـغــنّــي

بـاكـمّـل الـمـشــوار وإن بـك تـلاقـيـت
خـلّـك هـذاك الّـي عـرفـنـي ونـكــرنـي

أكـبـر حـقـيـقـه لو أحاول وإن أخـفيت
مضمونها .. وضـعي بـحالي فضحني

أدفـع ثـمـن طـيـبـي لإن بـه تـمـاديــت
وأهـمـلـت بـي ذاتـي وذاتـي كـرهـني!

الموضوع الأصلي: أنـا الّـذي فـي ضـيـقـهـم مـا تخلّيت || الكاتب: ملكة الحنان || المصدر: منتديات عزف الحروف

www.3-zf.com

كلمات البحث

اسلاميات ، مواضيع عامة ، سيارات ، صحة ، تصميم

المصدر: ♪。♡ مملكة عزف الحروف。♡ ♪

---

HkJh hg~J`d tJd qJdJrJiJl lJh jog~dj