مليون بيت شعر

ما يسليني مكان ولا زمان
لا ولا غيرك حبيبٍ لا ولا

أنت المسا اللي أحبه .. لحالي
وغيره من الاشياء ما همني شي

مسامعي تضمى و صوتك خيالي
امطر عليها من حلا صوتك شوي

"ركعة بجوف الليل والخلق هجّاع
تسوى ملذات الحياة ورغدها.."

سجّ روحك في فياض العزّ و اِعرض
عن دروبٍ .. مالها بيرق ترزّه

يارب في صدري دعا وأسرار
وأشياء ماجتني على مطلوبي

دايم طموحات الكبير كبار
يارب تجعل صملتي عذروبي"

ما جمعني معاه قرب دم و عوايد
لكن الله زرع بي.. فالمحبة حميّا

لاتغرك ضحكتي ولا اسلوبي



اعرف اعزاز النفوس من الرديه



كم وفولي ناس وكم ناس اغدروبي


وكم كسبت بطيب نيه سوء نيه



ناس من كثر المخادع ما تتوبي



وناس بياض وصداقتها نديه



ناس اغلتني وناس اغلت جيوبي




وناس اطالع ولكنها عميه

يا ليل وشفيك ضامر وجه شكلك حزين
وجهك تجاعيد,, تحت الجفن هالة سواد
أنا اتذكّرك وانته مسفهل الجبين
ترقى على متنك القمرا وعطرك وداد
لا تجرح الأرض بدموع السماء والأنين
لا تذكّر العاصفة تلعب بروح الرماد
خل السواليف عن عشق السماء نجمتين
في قربهم ينحني ضو القمر للعباد
لو نجمة الصبح بسهيل اليمن تستهين
ما صارت أخت الثريا لي ملحٍ وزاد
لا تنشد القلب عن عشق الضحى من سنين
ساعة غروب الشفق فيها دموع وسهاد
هو جرحك اللي ذبح فيك الوفاء مرتين؟
مرة بسيف الغرام ومرةٍ بالعناد
عطني كلامٍ صحيح وخذ كلامٍ ثمين
الدين ذروة سنامه في الحديث الجهاد

اغلى مواعيدي وسيد مرحباي
استسلمت روحي على استسلامتك

سلهمت لي واخذت قلبي من حشاي
ياليت عينك .. شايفه سلهامتّك

ما قبلك الا المدى وانت المدى وارحب
الارض للناس وانت .. اعلى سماواتها