سجل دخولك وخروجك من ال مملكة عزف الحروف بأبيات شعريه

ودي أتوسـط ذراعــك واضمك حيل لاحضاني
واحســك في عــرووقي عشق يملك كل وجداني

كنت واقف في الطريق اللي تمرّه
ضايع ٍ ما بين يأسي و الأمـاني
أنتظر والمنتظر وشهو يضرّه
لا ارتبط احساسه بـ نبض الثواني

لمحت " عينك "وانا بين ارتباك و حنين
واقفيت كن اللي تحتي بحْر ماهو ثرى
مشيت وانت ورى ظهري وقلبي حزين
ياليت لي " عين " لا قفّيت تنظر ورى !

الشــــــوق ماله عمـــــر يفنى وينعاد
له في الضلوع أن عاد وأن غاب رجفه

مع كل فرقا له ورى الجفن مــــيلاد
وأن ماتت الفرقا لقى الشوق حتفه

شرايك تهون؟ .. و تقرب يا بعيد
كلمه جميع اهل الهوى . . يبغونها
مافيه قيس يعيش في الدنيا وحيــــد
و مافيـــــه ليلى .. ماتبـي مجنونها

ليتك تشوف اللي بقلبي وتقراه
وتعرف مكانك داخل القلب بوضوح
وتشوف حبك كيف قلبي تبنـاه
وتعرف مدى تأثير حبك على الروح

اكتبك في بوح القصايد واغنيك
وافضلك مابين كل امنياتي

هلا وغلا يارمش عيني وضله
الى الامام اقلط بقلب المعنى

لك الغلا والشوق والحب كله
وشعري لعينك بيت بيت ايتغنى

و تهب في صدري هبوب
لو مر طيفً .. يشبهك
و أصدق الأمل الكذوب
ولا أنت! محدٍ يشبهك

والله إن مقابلك ماهو أيّ مقابل
ابرك الساعات واغلاها عليّ