انزاح الهم

انزاح الهم

يقول غرد.. واترك الهم.. ينزاح

وارسم على ثغر الحروف ابتسامة

واشعل بليل الهم.. بالعزم مصباح

يمكن مع المصباح .. ينفض ظلامه

ياخي شبعنا غم ..وهموم.. وجراح

تهنا .. وضيعنا الزمن.. في زحامه

نحتاج صوت عذب من طير صداح

تاقت مسامعنا.. لصوت الحمامة

ترى السعادة كنز.. والصبر مفتاح

والقلب.. روضة ..والتفاؤل.. غمامه

انشد عن البسمة .... فقير.. وفلاح

لا تنشد اصحاب السمو ..والفخامة

كم قصر تسكن به كوابيس واشباح

وكم خيام ... في طنبها... زعامة

وكم غني .. حاز بشت .. ومسباح

والحرص يرسم فيه م البخل شامه

وكم فقير .. حارب الهم .. وانزاح

والتمر.. والخبز الميبس ..طعامه

ادري الحياة فيها صعوبات واتراح

لكن.. فيها.. م الحلاوة.. طعامة

فالور رغم الشوك.. به عطر فواح

والمجد.. يغرينا بذروة .. سنامه

والبدر .. رغم الليل له نور وضاح

كم ليلة.. باد .. الظلام .. بوسامة

والعين تغري .. لكن الرمش ذباح

والموت الاحمر.. بين لحظ ولثامه

اذا اقتحم خافقك بالسلهمه ساح

وتطعم .. اللذة بعنف ..اقتحامه

تكفى تعيشنا بهالجو .. ياصاح

شاعر .. وتسحرني عذوبة كلامه

قلت العفو قولك شعر وانت لماح

مثلك بيفرض ع الجميع احترامه

مير الجمل يا سيد الحرف لو طاح

تكثر سكاكينه .. وتكسر عظامه

خلك على قول المثل .. قرن نطاح

الموت واحد.. والتخاذل ..رخامة

من نظرة عيونك ترى السد قد باح

من لذة حروفك.. اخذت العلامة

ريح ضمير وابسط القلب وارتاح

وش حاز مجنون الغرام.. بغرامه

الا سهر .. وهموم .. وغموم وكفاح

واصبح غرامه.. في جبينه ..علامة

افنيت قبلك ف الهوى اقداح واقداح

والحين .. منه اعض كف .. الندامه

مرت حياتي بين عاشق .. وسواح

تعبت .. لكن عشت .. مرفوع هامة

افرح.. مع الفرحان وانوح.. لو ناح

واذا سقم.. تسكن عظامي ..سقامه

اروي قلوب ضامية .. وانجد ارواح

وانا فوادي .. صام وادمن ..صيامه

لان الذي حوله.. جنوا منه الارباح

واذا عطوا.. يعطون عذل .. وملامه

واقول عادي ..واذهب الغيظ بامزاح

واطفي لواهيب الغضب بابتسامة

رصيد غيري شيك .. ونجوم .. ووشاح

وانا رصيدي في الحياة... الشهامة

تدري .. على قولك نبي الهم ينزاح

هات الشعر يا صاح.. وافهم نظامه

واصنع من حروف الشعر ريش وجناح

خل التراب يدس.. راس .. النعامة

على الاقل .. نسلم من الهم لو راح

واكبر غنيمة في الحياة .. السلامة

ياخي .. شبعنا .. غم وهموم وجراح

تهنا.. وضيعنا الزمن ..في زحامه

نحتاج صوت عذب من طير صداح

تاقت .. مسامعنا لصوت الحمامة

ملكة الحنان ,النورس الثائر معجبون بهذا

الموضوع الأصلي: انزاح الهم || الكاتب: عاشق العميد || المصدر: منتديات عزف الحروف

www.3-zf.com

كلمات البحث

اسلاميات ، مواضيع عامة ، سيارات ، صحة ، تصميم

المصدر: ♪。♡ مملكة عزف الحروف。♡ ♪

---

hk.hp hgil

شكرااا لهذا الاطراء العطر
والاعجاب محط تقديري واعتزازي
لكم ودي

[

طَرِحْ ممُيَّز جِدَاً وَرآِئعْ تِسَلّمْ الأيَادِيْ ولآحُرمِناْ مِنْ جَزيلِ عَطّائك دُمتْ ودامَ نبضُ متصفحك متوهّجاً بِروَعَةْ مَا تِطَرحْ لروحَكَ جِنآئِن وَرديهّ

صح لسانك وسلم بنانك يالرائعه
نظم جدا رائعه اسعدك الله وحماك

ويارب يزيل ويزيح الهم عنا وعنك يارب